Allannguisoqassanngikkallarpoq
-Taarsigassarsisitsisartut illoqarfinnut sullissinissaminnut aalajangertarput inissiat tuniniarneqarsinnaanerat qulakkeerneqarsinnaaleraangat, tamannalu illoqarfinni anginerusuni pisarpoq, tassami inissianik tunisaqarsinnaaneq tunngaviulluinnarpoq, Anne Grethe Laursen oqarpoq.
Illoqarfinni anginerusuni taarsigassarsisitsisarnerup ingerlanneqarnera kommunerujussuanngornermi illoqarfinnut minnerusunut iluaqutaasinnaanera eqqartorneqartarpoq, tassunga tunngatillugu Anne Grethe Laursen oqarpoq:
-Naagga, imaanngilaq illoqarfinni inissianik niuernerit kommunerujussuit pilersinneqarnerisigut allanngussasut, taamaattumik taarsigassarsisitsisarfiit iliuusaat allanngornavianngillat.
Suut aningaasaliisalernissamut aallaviussanersut apeqqutigigatsinni Anne Grethe Laursen nassuiaavoq imak:-Tassa niuernerit amerliartorfiini, illuliorfiunerpaasunilu taarsigassarsisitsisarfiit ilanngussinnaassapput, tassanilu kikkulluunniit qanorluunniit sumeeratarsinnaaneranik isumaliuuteqarsinnaapput, kisianni Maniitsoq tassaaratarsinnaavoq taamatut aningaasaliiffigineqarsinnaasoq.