Allanngortitsisimanerit paasissutissiissutigerusunngilaat
Borgmesterit qasserpiaat Københavnimut Bruxelles-imullu angalaqataanissaraluaminnik allanngortitsisimanersut Kommuneqarfiit kattuffiannit Kanukokamit oqaatigiumaneqanngilaq.
Sermitsiap allaaserisaa pissutaalluni, qassit angalanissaminnik allanngortitsisimanersut paaserusussimagaluarparput, KANUKOKA-lli oqaatigiumangilaa, angalanissamik allanngortitsisimanerit qangarpiaq pisimanersut.
Borgmesterit angalanissaannut KANUKOKA pilersaarusiortuuvoq, pilersaarutillu allanngornerannut tunngasumik radio aviisimiit akissutissarsiniarsimagaluarpugut.
Kanukokalli pisortaa Martha Labansen ima akivoq:
- Tamakku tusagassiortunut nalunaarutigineq ajorpagut. Oqaatigisinnaavarali angalanissamik aaqqissuinitsinni kiinneraarluta piffissaq sioqqutingaatsiarlugu Inatsisartunut angalanissaq nalunaarutigigaluaratsigu.
Borgmesterit aamma Inatsisartuni ilaasortaasut arlallit Bruxellesimut angalanissaraluartik allanngortittariaqarsimavaat pissutigalugu Inatsisartut upernaakkut ataatsimiinissaat ammarneqarpat kommunit kattussuunnissaannut tunngasoq oqaluuserineqartussaammat.
