Allamiunut isorinninneq ajornartorsiutaavoq

Danmarkimi nunasisut niuertarfimmiut allaffimmiullu peqatigiiffianni ilaasortat marluugaangata aappaa takornartanut pigiliutiinnakkanik pissusilersorfigineqartartutut misigisimasarpoq.
novembarip 13-at 2010 13:25

Soorlu assigiinngisinneqarnermik, oqaatsinik nakkarsaasunik oqaluffigineqarnermik, illaruaatigineqarnermik allatullu misigitinneqartarnermik.

Danmarkimut nunasisut assigiinngisitsinermik misigisaqartartut 70 procentiisa kingoqqivitsik pillugu immikkoortitaasarnerarput, 30 procentiilu upperisartik pillugu immikkoortinneqartarnerarlutik.

Misissuinerup takutippaa Danmarkimi allamiunut isorinninneq ajornartorsiutaasoq, Inuit Pisinnaatitaaffii pillugit ilisimatusarfimmi immikkoortortaqarfimmi pisortaq, Susanne Nour, oqarpoq.

- Assigiinngisitsineq inuiaqatigiinni pitsaasumik inooqatigiinnissaraluamik unitsitsivoq. Assigiinngisitsinerup ajoqutaanerata nassuerutigiumaneqannginnera Danmarkimi ajornartorsiutaavoq. Sverigimi ajornartorsiummut iliuuseqarnerujussuusarput, Susanne Nour oqarpoq.

Susanne Nour Inuit Pisinnaatitaaffii pillugit ilisimatusarfimmeersup erseqqissarpaa ajornartorsiut tamatigut suliffeqarfiit pisuussutigineq ajoraat.

- Nunasisut immikkoortinneqarnerminnik misiginninnerat inuiaqatigiinni immikkoortitaasutut misigisimaneranneersuusinnaavoq. Imaassinnaavoq pisiniarfilerigaangamik immikkut nakkutigineqartarnermik misigisimasartut, aqqusinermiluunniit pisutsillutik nakkutilliisunit immikkut nakkutigineqartarlutik misigisimasartut, Susanne Nour oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq