Allaaserinnittartoq: Kalaallit Nunaat akileeqataasariaqarpoq

Danmarkimi aningaasarsiorneq pillugu nittartakkami Business.dk-mi allaaserinnittartoq Mogens Vad allaaserisamini taamatut apeqqusiivoq.

- Aningaasasiornikkut ajornartorsiorneq qaangerniarlugu naalakkersuisut pilersaarusiaat, ilaqutariinnut meerartalinnut ullormuasiannullu eqquisussaavoq, kisianni naalagaaffiup Kalaallit Nunaannut ataatsimoortumik tapiissutigisartai attorneqanngillat, Mogens Vad oqarpoq.

Taamaattumik aningaasarsiornikkut ajornartorsiornerup qaanngerniarneqarnerani Kalaallit Nunaat akileeqataasariaqartoq, Mogens Vad isumaqarpoq.

Danskit naalagaaffiata ataatsimoortumik tapiissutaasa erniaqartinnagit atukkiussatut tunniuneqartalernissaat Mogens Vadip siunnersuutigaa, taakkualu uuliamik gassimillu qalluisoqalerpat isertitsissutigineqartunit taarserneqarlutik.