Imigassartornerulersimasugut
Siornatornit imigassartornerulersimasugut, kisitsisit nutaat Naatsorsueqqissaartarfimmeersut takutippaat. Imigassanik aalakoornartunik nunatsinnut siorna eqqussuineq tunisassiaqarnerlu 5,4 procentimik qaffariarsimavoq.
![](/sites/default/files/styles/image_934x467/public/article_images/alkohol.jpg?itok=ey4jQuPG)
Allattoq Inge S. Rasmussen
Imigassaq eqqussuunneqartoq tunisassiarineqartorlu siorna ukiup siulianut sanilliullugu 20 tusind literinik annertuneruvoq.
Kisitsisit innuttaasunut 14-ileereersimasunut agguataaraanni imigassaq akoqanngitsoq inummut ataatsimut agguaqatigiissillugu 8,7 literi imerneqarsimavoq.
AAMMA ATUARUK Imigassartorneq affaannanngorpoq
Imigassaq eqqussuunneqartoq tunisassiarineqartorlu 383 tusind literiusimavoq.
Taamaattoq imigassamik eqqussuineq ukiut 25-t matuma siornamut sanilliullugu pingajorarterutaannik maannamut annikilleriarsimavoq.