Aligumik aappaluttumik Qeqertarsuatsiaani nassaarput

Aligumik aappaluttumik aatsaat taama angitigisumik nunarsuup avannaani avannarlermi nassaartoqarpoq, taanna Qeqertarsuatsiaat eqqaanni aligusiorfimmi nassaarineqarluni.

Aligoq aappaluttoq nassaarineqartoq canadamiut dollarianik ½ millionit missaannik naleqassangatinneqarpoq, tassa 2,6 millioni koruunit sinnerlugit.

Ujaqqanik erlinnartunik nioqquteqartartup sanaartortartullu, Thomas McPhee-p, aligoq aappaluttoq taanna qaammatini qulini silillugulu pinnersarsimavaa, aligorlugooq aappaluttoq taanna qanga imaani inuusimasunik oqaluttuanut tunngasunik kigartuiffigalugu pinnersarneqarsimasoq, aviisi Toronto Star allappoq.

- Aligoq aappaluttoq manngertorujussuummat – tassa manngernermigut aligoqqimmut tulliugami – pinnersarniarneralu peqqissaarunnaqimmat pinnersaasiortup McPhee-p qaammatit qulit sinnerlugit suliarisimagaa, canadamiut suliffeqarfiutaat, Qeqertarsuatsiaat eqqaanni aligorsiortoq, True North Gems, oqaluttuarpoq.

Aligoq aappaluttoq nassaarineqarami 440 karaatiuvoq, suliarineqareeramili 302 karaatinngorsimalluni.

Karaati ataaseq 0,20 grammiuvoq, aligorlu aappaluttoq pinnersariigaq tassa 60 grammip missaani oqimaassuseqarpoq.