Assi: KNR

KNR Alice Sørensen nutaarsiassaqarfimmi pisortanngorpoq

Alice Sørensen ukioq manna majimili, Mikkel Bjarnø Lund KNR-imit tunuarmalli paarlallugu atorfik ingerlatereerlugu, novemberip ulluisa aallaaqaataat 2021 aallarnerfigalugu nutaarsiassaqartitsivimmi pisortatut ivertinneqarpoq.

Alice Sørensen tusagassiortutut ilinniagalittut, KNR-ip nutaarsiassaqarfiani kultureqarnermullu immikkoortortaqarfiani sulisarsimavoq. Ukiorpanni tusagassiortut sulinermini, Kalaallit Nunaanni inuiaqatigiit politikkikkullu pissutsit, annertuumik ilisimasaqarfigillualersimavai. Alice Sørensen, ukiuni sisamani radiomi aaqqissuisutut atorfeqareerluni, ukiut marluk matuma siorna radiomi aaqqissuisunngorlunilu KNR´p aqutsisuinut ilannguppoq.

Alice Sørensen atorfinitsinneqarnermini ima oqaaseqarpoq:

Suliannik pitsanngorsaajuarusuttuuvunga, tusagassiuinikkullu ineriartortitserusuttuullunga, tusagassiortut immikkut tamaasa ataasiakkaatut isiginiartarnerini aallakaatitassiaat taamattaaq ilanngullugit malinnaaffigisarpakka. Pikkorissorpassuarnik tusagassiortuuteqarpugut nunamut tamarmut , ullormut nutaarsiassanik pingaarnerpaanik, nutaarsiasseerusullutik sulerusussusilinnik.

Aaqqissuisoqarfik pitsaasoq ineriartortitsisorlu soorunami naalaartuminut isiginnaartuminullu, nutaarsiasseerusullunilu isiginnaagassiorusussaaq, pitsaanerpaaffianiitillugit. Taamaammat nuannaarpunga suliara ingerlateqqiinnarsinnaagakku


 



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat