Evi Kreutzmann Oqaasilerinermi, Atuakkialerinermi Tusagassiuutilerinermilu Ilisimatusarfimmi 
cand.mag.-itut ilinniarsimasuuvoq kiisalu meeqqat atuarfiini atugassanik ilinniusiornermik 
akisussaaqataasutut misilittagaqarluni. 

Evi Kreutzmannip Radiomi pisortatut atorfinitsinnerani isiginiarneqartut ilaat tassaapput; 
oqaluttuanik ingerlatitseqqiinermut uummateqarnera, ineriartortitsinermik soqutigisaqarnera, 
aaqqiissutissanik ujartuiuarnissamik anersaaqarnera minnerunngitsumillu suliffigissaanermik 
pingaartitsisuunera. 

Taassuma saniatigut inuiaqatigiinni pisunik tutsuiginassusilimmik ilisimasaqarnerulersitsisumillu inuiaqatigiinni tusarnaagaqarsinnaaneq suleqatissakka pikkorissut peqatigalugit suleqataaffigerusuppara, Evi Kreutzmann oqarpoq.