Alibabamik piginnittoq aqutsinermik isornartorsiuereersorlu qaammatini marlunni takuneqanngitsoq
Nittartakkatigut pisiniarfigineqartartumik anginerpaamik Alibabamik pilersitsisoq Kinamilu pisuujunerpaat ilaat, Jack Ma, qaammatini kingullerni marlunni takussaanngilaq.
Kinami aallartitaasup tammarsimagunartup, Jack Map, tv-kkut isiginnaagassiap immikkoortuani kingullermi peqataaffigisassaminit ilaatigut ilaannginnera pissutigalugu susimanera amerlasuunit isumakuluutigineqarpoq.
Ma aallartisaasut pillugit tv-kkut isiginnaagassiami Afrikap inuussutissarsiornermi sapiitsuliortuini aalajangiisartutut taarserneqartoq, The Financial Times tallimanngornermi allappoq.
Ma Shanghaiimi oqallittarfimmi oktobarimi peqataagami kingullermik takuneqarpoq. Taassuma oqallittarfimmi tassani Kinap sukannersumik aalajangersimasumillu inuussutissarsiornermi suliffeqarfinnut inatsiseqarnera sakkortuumik isornartorsiorpaa, tamannalu pillugu atorfillit amerlasuut akerleriissuteqarfigilerlugit.
Map ”aningaaseriviit qangatoortut” aamma ”eqqarsartariaaseq nutaanngilisoq” pillugit aaqqissuusseqqittoqarnissaa kaammattuutigaa.
AAMMA ATUARUK Kineserit tuniniaanermi rekortiliisut
Unammilleqatigiinnermi oqartussat Jack Map aningaasaqarnermut ingerlaseqatigiiffiutaata, Ant Groupip, piginneqataassutinik niuffaffimmi 37 milliardit dollarsinik tassa 225 milliardit koruunit missaannik nalilimmik niuerutigineqalersaarnera tatuma kingunitsianngua unitsippaat.
Jack Ma tuluttut ilinniartitsisooqqaarsimasoq, Asiami pisuujunerpaatut 2016-imi taaneqarpoq. Taassuma Alibaba allat 18-it peqatigalugit 1999-imi pilersippaa. Ingerlataat taanna Kinamiittoq amerikamiut Amazoniata assigipajaarpaa.
Ingerlatseqatigiiffik taanna 2014-imi New Yorkimi piginneqataassutinik niuffaffammi nalunaarsorneqarpoq, tassanilu nunarsuarmi piginneqatigiissutinik niuffaffimmi nalunaarsorneqarsimasut annerpaat ilaattut inissinneqarluni.
