Aleqap unnerluutiginninnera Nickip akissuteqarfigaa
![Nick Nielsen, Aleqa Hammond](/sites/default/files/styles/image_934x467/public/article_images/nick-nielsen-aleqa-hammond.jpg?itok=tP52Z1zb)
Nick Nielsenip naalakkersuisoqarfigisimasaani atorfilittat misissuitereerlugit KNR-imut ullumi ima allapoq:
- Nick Nielsenip nunatta karsianik kassekreditut atuisimannginnera, nunatta karsianut akiitsoqannginnera aammalu aningaasaliissutigineqartut iluanni angalasarsimanera Naalakkersuisoqarfiup uppernarsarpaa, allakkami taama allaqqavoq.
- Naalakkersuisoqarfiuttaaq, atorfilittat eqqaassanngikkaanni, angalaqataasunut aningaasartuuteqarsimanngilaq.
Unnerluutigineqarnini ilumoortortaqanngitsoq uppernarsarusuppaa
Allakkat taakku uppernarsaatigalugit partiip naalakkersuisullu siulittaasorisimasaata unnerluutiginninnera Nick Nielsenip ilumoortortoqanngitsoq uppernarsarusuppaa.
- Tusagassiortunik katersortitsinermi oqaatigisakka allakkiami uppernarsarneqarput, Nick Nielsen (S) KNR-imut taama oqarpoq.
AAMMA ATUARUK Aleqap naalakkersuisuusimasut atornerluisimanersut paaserusukkaa
- Taamaammat aningaasanik assinganik atuisarsimasinnaanitsinnik Aleqap oqalunnera ilumoortortaqanngilaq.
Aleqa Hammondip (S) Naalakkersuisunut ilaasortat akisussaaffimminnik qimarratiginninnerarlugit qanittukkut avoqqaarai.
- Misissorneqartussanngoramik qimarratilerput. Misissuinerup inerneranik takusaqarusunngitsut amerlaqaat, unnerluutiginnilluni Facebookimi quppernermini taama allappoq.