Aleqa Hammond: Siamasissumik kalaalinngorsaaneq ingerlanneqassaaq
Siumut Inuusuttaasa kalaalinngorsaanermut akerliusumik nipilimmik oqaaseqarnera uparuarpaat.
Aleqa Hammond isumaqanngilaq kalaalinngorsaaneq allaffissuarmi pisortat arfineq maluk kalaallinik inuttalerneqarnerannik anguneqarsinnaasoq inuiaqatigiilli tamarmik peqataaffigisaannik ingerlanneqassasoq.
Aleqa Hammond isumaqarpoq, kalaalinngorsaaneq siamasinnerusumik ingerlanneqatariaqartoq. Inuit arfineq marluk piumasaqaasersorneqarnerat aallaavigalugu kalaalinngorsaanermik taaneqassappat annikippallaarpoq, Aleqa Hammond oqarpoq. Inuiaqatigiit tamarmik kalaaliulluta piumassuseqarluta peqataatinneqassagutta, tamat oqartussaaffiat aallaavigalugu, inuiaqtigiit nalilersueqataaffigisariaqarpaat kalaalinngorsaaneq qanoq ittoq ingerlanniarneripput, Aleqa Hammond oqarpoq.
Siumut siulitaasussaatut qinigassanngortittut maannamut pingasuupput, tassalu Naalakkersuisut siulitaasuat Partiillu Siumut siulitaasua Hans Enoksen, inatsisartunut ilaasortaq Vittus Mikaelsen kiisalu aningaasaqarnermut naalakkersuisoq Aleqa Hammmond. 23 januaari Siumut siulersuisui taamatullu siulitaasumut qinersineqassaaq.