Aleqa Hammond (S)

2013-imi Inatsisartunut qiningassanngortikkami ajungaarujussuarpoq taamaasillunilu nunatsinni arnani siullersaalluni Naalakkersuisuni siulittaasunngorpoq. Aningaasanilli atornerluisimanini pissutigalugu oktoberip aallaqqaataani ukioq kingulleq tunuarpoq. 49-nik ukiulik Aleqa Hammond Narsami inunngorpoq Uummannamilu peroriartorsimalluni. HF eksamenip saniatigut ilinniakkaminik naammassisaqarsimanngilaq, kisiannili Nunavut Arctic Collegeimi tuluit oqaasiinik atuarsimalluni ilisimatusarfimmilu atuarsimalluni.
Allattoq Malu Pedersen, Camilla Dam
juunip 09-at 2015 14:45

Aleqa Hammond Inatsisartunut siullermeerluni 2005-imi qinigaavoq. Tassanilu Hans Enoksenip naalakkersuisut siulittaasuunerani ilaqutariinnermut inatsisinillu atuutsitsinermut naalakkersuulluni.

Naalakkersuisut 2007-imi nikinnerani Aleqa Hammond aningaasaqarnermut nunanullu allanut naalakkersuisunngorpoq. Ukiorlu ataaseq qaangiummat politikkikkut isumaqatigiinnginneq pissutigalugu tunuarpoq.

2009-imi Siumumi siulittaasunngorpoq, naalakkersuisulli siulittaasuattut tunuarami Siumumi siulittaasuujunnaarpoq.

Aleqa Hammondip politikkikkut suliniutiginiagai paasiniarlugit attaveqarfiginiaraluarparput iluatsinnaguli, facebookikkullu nittartagamini ima ilaatigut allappoq:

  • Isumaqarpunga naalagaaffik ilutsinni immitsinnut tulluarsarfissarigipput assigiinngitsuunerput assigiinngitsunillu anguniagaqaraluarluta, ataqqillugu pingaarnersiuinerput imminnut akerlilersornermik tunngaveqanngitsoq. Tassa naalagaaffiup iluani inerisaaneq. Naalagaaffeqatigiikkallartilluta, allatullu aaliangertoqarnissaata tungaanut pisussaaffeqarpugut inerisaaqataanissatsinnut. tamatta naalagaaffiittugut pilluta.
  • Inatsisitgut illersorneqarsinnaasumik atugassat kinguarsarsimaqisut politikkikkut piumassuseqarluarnikkut salliutilersikkumallugit Folketingimut isissaguma sukataarutigissuakka. Naalagaaffiup akisussaaffia uagullu suleqatigaluta kivitassaq.
  • Oqartussaaffiit Namminersornermut inatsimmi Danskit oqartussaaffiinit Nunatsinnut nuunneqarsinnaasut taaneqartut sulilu nuunneqarsimanngitsut tamaasa eqqarsaatigalugit, Siumumut pingaaruteqarluinnarpoq tiguniakkat tiguneqarnerminni pitsaassutsimikkut

Aleqa Hammondip Facebookikkut nittartagaa takuuk.

Siumup folketingimut sulinissamut anguniagaat uani atuakkit.

Aleqa Hammondip qineqqusaarutaa uani aamma takuuk.

 

Aamma atuaruk