Aleqa Hammond: Politiit suleqatigisariaqarpagut
Meeqqat inuusuttuaqqallu kinguaassiutitigut atornerlunneqartarnerat sumiginnagaasarnerallu akiorniarlugu politiit suleqatiginissaat pingaaruteqartorujussuusoq, ilaqutariinnermut inatsisinillu atortitsinermut naalakkersuisoq Aleqa Hammond oqarpoq.
Tamanna pillugu politiit ataatsimeersuarneranni saqqummiussisussaalluni Aleqa Hammond oqarpoq, suleqatigiinnerlu ima nalilerpaa:
- Arlaannik unnerluussisoqarsimatillugu politiit tassaassarput meeqqanik inuusuttunillu siullerpaallutik naapitsisuusartut, misilittagaallu eqqarsaatigalugit suleqatiginissaat pingaaruteqarluinnarpoq, ilaqutariinnermut inatsisinillu atortitsinermut naalakkersuisoq Aleqa Hammond oqarpoq.