Aleqa Hammond: Pisortat aningaasartuutaat killilerneqassapput

Aningaasaqarnermut naalakkersuisup Aleqa Hammondip ilaatigut erseqqissarpaa, pisortat aningaasartuutaat annertusiartuinnartut

akileraarutit akitsuutillu qaffatsinnerisigut ataavartumik aningaasalersorneqarsinnaanngitsut.

- Inuussutissarsiutit nutaat ineriartortinnerisigut aamma

inuussutissarsiutit pioreersut sunniuteqarluarnerulersinnerigut aningaasaqarnikkut siuariartornikkut siunissami atugarissaarnikkut pitsannguutissanut tunngaviusut pilersinneqassapput, Aleqa Hammond allappoq.

- Inuit pisortat karsiinit nuussinernik tapiissutinillu isumalluuteqarunnaassapput. Nuussinikkut isertitat sanngiinnerpaanut sammitinneqalissapput, suliffiillu attatiinnarnissaannut tapiissutit atorunnaarsinneqarlutik.

Akerlianik inuit amerlanerusut pikkorissarnerni peqataassapput inuussutissarsiutinilu

nutaani sulilernissaannut ikiorneqarlutik, aningaasaqarnermut naalakkersuisoq ilaatigut taama tunngavilersuivoq:

- Ataatsimut isiginiartariaqartoq tassaavoq, pisortat aningaasartuutaasa pakkersimaarniarnissaat. Taamaattumik pingaaruteqarpoq, kommunini suliffissaaleqineq akiorniarlugu aningaasaliisoqartarnissaa. Aningaasaliinitsigut inuit amerlanerusut sulilersissinnaavavut, amerlanerusullu sulilersikkutsigik nunatta karsianut isertissinnaasavut amerlanerussapput. Taamaattumik kommunit aaqqissuuteqqinneqarneranni pitsaanerusumik aningaasarsiornikkut aaqqissuussisoqartariaqarpoq.

Aningaasaqarnermut naalakkersuisoq Aleqa Hammond taama oqarpoq.