Aleqa Hammond: Obamap nersornaaserneqarnissaa pissusissamisoorpoq
USA-p præsidentia Barack Obama nunarsuarmi ataatsimut eqqarsalersitsinissamik aallarniivoq, neriuummillu nutaamik tunisilluni. Taamaammat pissusissamisoorpoq Nobelip eqqissinissamik nersornaasiuttagaanik tunineqartussanngormat. Siumup siulittaasua Aleqa Hammond taama oqarpoq.
Allattoq Mads Lynge
oktobarip 09-at 2009 11:43
Præsidentilli allat eqqisseqatigiinnissamik aamma suliaqarnikuummata taakku Nobelip eqqissinermut nersornaasiuttagaanik tunineqarsimasinnaannginnerpat?
- Inuiaqatigiinni ikinnerussuteqartut pisinnaatitaaffii pillugit killilersugaanngitsumillu oqaaseqarsinnaatitaaneq pillugu sorsoqataanikuuvoq. Præsidentinngornermigut takutippaa imminut upperineq, suleqatigiinneq, akaareqatiginnerlu aallaavigalugu angusassat anguneqarsinnaasut, taamaammat pissusissamisoorsoraara nersornaaserneqassammat, Siumup siulittaasua Aleqa Hammond oqarpoq. Nobelip eqqissinermut nersornaasiuttagaa 7,2 millionit koruuninik aningaasartaqarpoq.
