Aleqa Hammond New York-imi pingaarnertut oqalugiartunut ilaassasoq
Qullersaq Nunatsinni ulluni pingasuni tikeraareerluni ippassaq aallarpoq. Taamaalimmat Naalakkersuisut siulittaasuata Aleqa Hammondip tikeraarneq nalilersorpaa.
- Tassunga tupallaataavoq, Issittup inuisa naalakkersuisuisalu nipaat silap allanngoriartuneranut tunngasuni ilisimatuussutsikkut paasisatulli aamma uppernarsaatulli pingartigimmata. Tamanna tupaallaatigaa,, Aleqa Hammond oqarpoq.
- Oqarpoq, sammiviup taassuma nunarsuarmi siuttut New Yorkimi ataatsimiinnisaanni ilaatinneqarnissaa pingaaruteqartoq, tamaammallu pingaarnertut oqalugiartussanut ilaanissannut aggersarpaanga, nalakkersuisut siulitatsuiat nangippoq.
FN-ip qullersaata Ilulissani Uumannamilu inuppalaartumik tikilluaqquneqarsimanera, taassuma nuannaarutigaat.
- Inuit ammasuunerat uummamminiitilerpaa. Oqartariaqarpunga, Maaniinnini immini paasinninnerulerfittut misigivaa, misigisarlu siuttut ataatsimeersuarnissaannut nassassavaa, Aleqa Hammond oqarpoq.
