Aleqa Hammond: Iqalunnut aqqut suleqatigiinnitsinnut nukittorsaataassaaq
Taanna isumaqatigiissut Nunatta Nunavullu suleqatigiinnerat nukittunerulernissaa anguniarlugu pilersinneqaqqippoq.
- Nunatta Nunavullu akornanni timmisartukkut attaveqarnerup ukiup ikittuinnaat atasarnerani aammalu atorunnaartarnera pillugu illuatungeriilluta suliakkerpugut tamattaalluta illuatungeriilluta akisussaaffigilissagipput, taamaalillutalu ataannarnissaanut qulakkeerinneqataanissatsinnut periarfissat misissorniarlutigit.
Iqaluit nunattalu akornanni timmisartuussisarnissaq qanoq aningaasaliiffigineqassanersoq Naalakkersuisut Nunavullu Naalakkersuisuisa ilumminni isumaqatigiissuteqarfisissavaat. Inatsisissatut siunnersuutinik saqqummiussissapput.
- Ulloq manna tikillugu Air Greenlandip kisimi tamanna kivittarpaa, taamaalilluta uagut inuiaqatigiit amigartoorutaa kivittarparput. Periarfissat taakku Naalakkersuisup nunaminut nassarumavai. Siunissaq isigalugu naggueqatigiit nunatsinnut tikeraarnerunissaat eqqarsaatigalugu tassuunnaqquuttariaqarpugut.
Naalakkersuisuni siulittaasut suleqatigiinnerat 2000-imi aallartinneqarpoq. Massakkullu ukiuni tulliuttuni imminut pisussaaffilernikkut suleqatigiiinneq nukittorsarniarpaat.
Nunat ingerlatsisuisa aningaasaqarnikkut isumalluutitigullu ineriartorneq, aalisarnikkut piniarnikkullu suleqatigiinneq, ilaatigut EU-p puisit amiinik nioqqutissianik eqqusseqqusinnginnera kiisalu aatsitassat pillugit ilinniartitaanikkut suleqatiginnerup nukittorsarneqarnissaa oqaloqatigiissutigaat. Suleqatigiinnerlu nukittorsarneqassappat qanimut tikeriaannaanissaq pingaaruteqartoq, Aleqa Hammondip oqaatigaa.
- Isumaqarpunga nunatsinni Nunavumullu patajaatsumik attaveqarneq uagut eqqarsartariaatsitsinnut pingaaruteqartuusoq, kulturitsinnut, angalaffissatsinnut, ilinniartitaanikkut allatigullu iluatigaarput. Taanna assoroorluta peqataaffigerusupparput attatsiinnarneqarnissaa, Naalakkersuisut siulittaasuat Aleqa Hammond oqarpoq.
Naalakkersuisut siulittaasuat, Aleqa Hammond, Nunavullu Naalakkersuisa siulittaasuat, Peter Taptuna ippassaq Hans Egede Illuani isumaqatigiissut atsiorpaat.
Nuumminngaanniit Iqalunnut timmisartuussisarnerit aallartereerput. Massakkullu aasakkuinnaq timmisartuussisoqartarpoq.
Air Greenlandimi pisortap Michael Højgaardip Naalakkersuisut isumaqatigiissutaat iluarisimaarpaa. Air greenlandimullu aningaasanik iluanaarutaassappat isumalluarfigisinnaallugu.
