Aleqa Hammond: ingasattajaariniarnermut sangujartulernissaq eqqumaffigisariaqarparput
Nunanut allanut naalakkersuisoq Aleqa Hammond imatut nassuiaavoq:
- Naalakkersuisut isumaat tassaavoq - arfertassanik eqqissisimatitsivimmik inissiinissaq, namminerisamik isuma ajoquteqanngikkaluartoq - kisianni ernummatissaq tassaavoq, arferit nungukkiartulernerannik tunngaveqartumik aallaaveqanngimmat, kisiannili arfernik illersuiniarnermik aammalu misigissutsinit aallaaveqarmat. Tamanna ulorianartorujussuuvoq, taamaattumik ingasattajaariniarnerup tungaanut sangujartulernissaq eqqumaffigissallugu pingaaruteqarpoq.
- Isummerfissat marluupput, arfernik eqqissisimatitsivimmik pilersitsinissaq taavalu nunatta arfattassaanik isumaqatiginninniarnissaq. Aamma danskit naalakkersuisuilu isumaqatigiinnerput innarlerneqarpoq pissutigalugu Folketingimi ilaasortaasut allatoqqinnaaq isummersoramik.
assigiinngitsunik susassaqarfeqarpugut qallunaat naalakkersuisui aqqutigalugit isummersorfigisariaqakkatsinnik, tassalu arfertassanut tunngatillugu isumaqatignniarnernut tunngasut.
- Suleriaasitsinnut naapertuuttumik ineriartortoqassappat allatut iliuuseqarluta ingerlariaqqinnissarput nalilersortariaqarparput.
- Aamma EU-p puisip amianik eqqusseqqusiunnaarnissamik suliniuteqarnera unitsinneqartariaqarpoq, aamma paasitinenqartariaqarput nunap inoqqaajusut neqissaqarniarnertik aallaavigalugu inuiaqatigiinni arferit ataqqillugit aammalu killissarititaasut iluani piniartarneroput annertunerusumk paasineqartariaqarpoq aalajangiisartunit, suli aalajangiitinnagit, taamaattumik sunniuteqarsinnaanissarput annertusarneqartariaqarpoq, taassuma saniatigut nunanut allanut naalakkersuisut naapikkaagatsigit taassuma oqariartuutaa suli erseqqissaassutigineqartariaqarpoq erseqqarinnerusumik, Aleqa Hammond oqarpoq.
