Politikkimik suliaqarnerminut atatillugu nipangiussisussaatitaanini saneqqussimagaa, unnerluussisup oqaatigaa, Atuagagdliutini ullumikkut saqqummersuni taama allaaserinnittoqarpoq.
Unnerluutiginnittoqarnera politiinit Aleqa Hammondimillu namminermit uppernarsarneqarpoq.
- Qanoq iliorsimanera politiinut uanga nammineq nalunaarutigaara pisorlu ilumuunngitsoq ilerasuuteqarnanga ilumuunnginnerarsinnaallugu, Aleqa Hammond AG-mut oqarpoq.
Nipangiussisussaatitaanermik qanga qanorlu saneqqussisimaneragaanini pillugu oqaaseqarumanngilaq.
Atassutip siulittaasuata, Gerthardt Petersenip politiinut unnerluussissut ilisimavaa, erseqqissarluguli nammineq tassaannginnami Aleqa Hammondimik politiinut nalunaarsimasoq.
Tamakkua saniatigut oqaaseqaatissaqanngilaq, aammattaarlu Atassutip Inatsisartuni ilaasortaatitai oqaaseqaatissaqaratik.