Alcoamut isumaqatiginninniarnerit ingerlateqqinneqassapput
Jens Erik Kirkegaardip atorfilittaasalu oqaatsit politikerit akunnerminni atugaat ilisimaarilluarpaat, tamannalumi aamma Mimi Karlsenimut akissuteqaammi ersarilluinnarpoq. Suliffeqarfiup oqaloqatigineqarnissaannut Inatsisartut akuersissutigisimasaat malinneqarpoq, oqaloqatigiinnerilli taakku qinersinerup suaarutigineqannginnerani aallarteqqinneqanngitsoorlutik.
Manna tikillugu isumaqatiginninniarsinnaatitaanermik Naalakkersuisut piaarnerpaamik misissussamaarpaat, tassani politikkikkut pissutsit allanngorsimanerisigut iluarsisariaqarneranik nalilerniarnissaa siunertarineqarluni. Naalakkersuisut isumaqatiginninniarsinnaatitaarnerat nassuiarneqarpat Alcoalu oqaloqatigiinnerit ingerlateqqinneqarnissaat siunertarineqarpoq, oqaloqatigiinnerilli qaqugu pissarnersut Mimi Karlsenimut nunatsinni innuttaasut sinnerinut passissutissiissutigineqanngillat.
Paasiuminarsarlugu ima nassuiarneqarsinnaavoq, Naalakkersuisut isumaqatiginninniarsinnaatitaarnerat inissinneqariarpat Alcoamik oqaloqatigiinnissat aallartinneqassapput. Tassalu isumaqatigiinniarnerit nangeqqinneqarumaarput.
