Narsami Avatangiisit kulturillu illua ukioq manna akissarsitinneqaqqullugu Kalaallit Nunaata inassutigigaluarpaa, akissarsiassarli kujataamiunut tutsinneqanngilaq.
Akissarsitinneqarpoq Københavnip avatinnguaniittoq Albertslund. Albertslund illoqarfittut akissarsitinneqarpoq avatangiisit pillugit innuttaasunut paasititsiniaalluartarnini pissutigalugu. Nunat avannarliit siunnersuisoqatigiivi naapertorlugit Albertslundimi CO2-mik mingutsitsineq affaannangajanngortinneqarnikuuvoq.
Narsamiit Rie Oldenburg, Narsami avatangiisinut kulturimullu illumut attuumassuteqartoq, oqarpoq, Albertslundip ajugaatinneqarnera eqqortuusoq, Narsalli tulluusimaarutigigaa unammeqataatinneqarami.
Albertslundip Kalaallit Nunaanni illoqarfittut ikinngutaata Sisimiut-p tanngasssimaarutiginngitsuulaarunanngilaat ikinngutitik Albertslundimiittut nersorniarneqarmata.