Alaskamiut inoqutigiit koruuninik milliardinik taarsiiffegeqqupput
Uuliasioqatigiiffik BP uuliasiornissaq pillugu ukiut 40-t matuma siornatigut nunamik attartuilerpoq, attartuinermili akiliutit BP-p unioqqutissimagai ilaqutariit oqaatigaat, taarsiivigineqarnissartillu maanna piumasaralugu. Aviisip Anchorage Daily Newsip nittartagaani tamanna atuarneqarsinnaavoq.
Nunap Inoqqaavi pillugit USA-mi allattoqarfik aqqutigalugu ilaqutariit eqqartuussivilersuussipput, allattoqarfiup BP-mik akiliisitsiniarnissaa piumasarineqarluni, aningaasallu ilaqutariinnut kingorna tunniunneqarnissaaat eqqartuussisulersuussinermi siunertaalluni. BP-p akiliisarnissaa allattoqarfiup ukiuni kingullerni 40-ni isumagisarisimavaa:
- Allattoqarfilli iluamik sulisimanngilaq, Joe Delia, ilaqutariit eqqartuussisulersuussisut oqaaseqartuat oqarpoq.
BP-kkulli oqaatigaat attartuinermi isumaqatigiissutit unioqqutissimanagit, akiligassatullu piumasarineqartut 1,1, milliardit koruunit ilamerngi taamaallaat akilerusussinnaallugit, akiliisariaqannginnissartilluunniit oqaatigalugu.
