Alaskami nunap ilaa alla uuliasiorfigeqqusaajunnaarluni eqqissisimatitaalersoq
![](/sites/default/files/styles/image_934x467/public/article_images/alaska_anchorage_foto_len_radin_flickr.jpg?itok=tyOjmnV0)
Alaskami Inupiaat tamaani piniarsinnaassapput, nunali eqqissisimatitaq tassa uuliarsiorfiunanilu gassimik qalluiffiussanngilaq.
Chukchit Imartaata Ualerngullu Tarajuata ilamenga eqqissisimatitaalluinnarnissaa Obamap aamma kissaatigigaa, aviisip Alaska Dispatchip allaaseraa.
Imartat ilamerngi eqqissisimatitaasussatut siunniunneqartut Danmarkitungajak annertutigipput, tassami imartani taakkunani uuliasiortoqarnanilu gassimik qalluisoqannginnissaa Obamap kissaatigaa.
AAMMA ATUARUK Alaskap issittortaani nunap ilaa uuliasiorfigeqqusaajunnaarluni eqqissisimatitaalersoq
USA-p nunamut namminermut tunngasunut ministeriata Sally Jewellip oqaatigaa imartat pineqartut mianerisassaalluinnartut, tassami aarrit tamaani aamma piaqqisarmata.
Inupiaat tamaani aamma arfanniartarput, uumassusillillu sapinngisamik assigiinngitsut amerlasuunissaat kissaatigineqarluni.