Innuttaasut 50 procentii tapersersuisut, 43 procentii akerliusut, 7 procentiilu nalornillutik. The Global Monitorimi taama allaaserinittoqarpoq.
Nuna eqqissisimatitaq Alaskap avannamut kangisissortaaniippoq, Dwight D. Eisenhowerillu USA-mi præsidetniunerata nalaani eqqissisimatitanngorluni, tassa 1960-imi eqqissisimatitanngorami.
Nuna pineqartoq 80.000 kvadratkilometeritut annertutigaaq.
Nunap eqqissisimatitap 10 procentia uuliasiorfinngorlunilu gassimik qalluiffiulernissaa George W. Bushimit 2004-mili siunnersuutigineqarpoq, siunnersuullu taanna juunip ulluisa 18-ianni kingumut saqqummiunneqarluni.