-Alapernaarsuummik allamik tamaaniittoqanngisaannarsimasoq uppernarsarsinnaavarput, aamma umiarsuarnit allanit tikinneqarsimanngisaannarunarpoq, Kangilinnguani sakkutooqarfimmi alapernaarsuummeersut ilaat nittartakkaminni allappoq.
Ornitaminnukartillutik sikorsuit kvadratkilometererpaalussuarnik isorartussusillit mianersoqalutik akulloqquasimavaat.
Rekordiliiniarneq sikup sinaavani naammassivoq, tassani, avannarpasissutsimi 81 21-mi, alapernaarsuutip kujaava immami 19 meterimik itissusilimmiiginnalersimavoq, taamaalilluni 2003-mi rekordiliiffimmiit sømilinik aqqanilinnik imaluunniit 19 kilometerinik avannarpasinnerusumut pisimallutik.
Alapernaarsuummi inuttat ilaat nittartakkami ilaatigut aamma oqaluttuarpoq, rekordiliigamik aqaguani imaannaanngitsumik aamma misigisaqarsimallutik, tassagooq nannut marloqqat sikutamiittut alapernaarsuummiit meterinik hornorujunilluunniit qaninnerusumiittut assilisinnaasimagamikkik.