Alapernaarsuut Ejnar Mikkelsen illoqarfimmik ikinngutitaarpoq
Umiarsuup alapernaarsuutip nutaap Ejnar Mikkelsenip Danmarkimi illoqarfik Aabenraa ikinngutigileraa, Aabenraap ugeavisiani atuarneqarsinnaavoq.
Allattoq Lotte Holm
Umiarsuup alapernaarsuutip ikinngutitaarineqarnera Aabenraami arfininngorpat pisortatigoortumik malunnartinneqassaaq, tassanilu Ejnar Mikkelsenip ernutaa Naja Mikkelsen peqataassalluni. Nalliuttorsiornermi kalaallit erinarsoqatigiit ”Ulo” erinarsussapput.
Nalliuttorsiornerup kingorna alapernaarsuut nutaajusoq nunatta imartaani alapernaarsuilissaaq.