Alapernaarsuut Agpa akitsorterussinermi tunineqarpoq
Nunatta imartaani ukiorpassuarni alapernaarsuutaasoq, umiarsuaaraq Agpa, akitsorterussinermi 1,4 miliuuni koruunilerlugu tunineqartoq, sakkutuut imarsiortut qullersaqarfianniit nalunaarutigineqarpoq.
Allattoq Lotte Holm
Agpa, ukiuni 34-ni imartatsinni alapernaarsueqataareerluni siorna ukiakkut angalajunnaarpoq.
Hjørringimi upernaakkut akitsorterussinermi angallataatileqatigiit, Nordane Shipping A/S-imeersut umiarsuaaraq 1,4 miliuuni koruunilerlugu pisiaraat, sumulli atulissanerlugu suli aalajangeratik nalunaarput.
Nordane Shipping-imi pisortaq, Niels Højlund Hansen, inuusuttuulluni nammineq Nunatta imartaani angalasimasoq oqarpoq, umiarsuaaraq iluarsaateriarlugu immaqalu allanngortitilaariarlugu arlaannut atulissallugu.