Alapernaarsertoqarnerata nanoq toqutaatippaa
- Nannup aallaaneqartariaqarnera ajuusaarutigalugulu pakatsissutigeqaara, Aalisarsinnaanermut Akuersissutinik Nakkutilliisoqarfimmi pisortap tullia Niels Laursen KNR-imut oqarpoq.
Nannup Nuuk avaqqutilaarlugu nalulluni sarsuteriarlugu Akianut Nipisat kangerluani Qaqummi ippassaq ingerlaarpoq, tassanilu qeqertami uninngalluni.
Piniarnermik nakkutilliisut umiatsiallu allat ippassaq ullaap tungaanili malittarilerpaat, nanorlu avannamut-kangimut akunnerni aqqaneq-marlunni naloreerluni Kanassut tikippai, taamaalimmat inunnit aamma alapernaaserfigineqaqqilerluni.
Nanoq allatut ajornartumik aallaaneqartariaqalerpoq ulorianartorsiortitsilersutut nalilerneqarmat.
Nanoq ullumi nalunaaqutaq pingasunut qiteqqusimatsiartoq aallaaneqarpoq, Aalisarsinnaanermut Akuersissutinik Nakkutilliisoqarfiup pisortaata tullianit Jens Laursenimit allaniillu ajuusaarutigineqarluni.
Nuummi nannuttassat nungunneqareeraluarput, qaammatillu ataatsip ingerlanerani aappassaat nannuttoqarluni.