al-Qaedakkormiut USA-mit tigusarineqarsinnaasimagaluarput
al-Qaedami suleqataasut nuimasut Pakistanimiitillugit USA-p 2005-imili tigusarisinnaasimagaluarpai, tigusarinninnissarli piffissaq kingulleq atorlugu unitsinneqartoq, aviisi ullormut saqqummersartoq New York Times allappoq.
Allaaserisaq naapertorlugu, USA-mi paasiniaasartut sakkutooqarnermullu attuumassuteqartut arlallit oqaatigaat, al-Qaedami ilaasortat, Pakistanip qaqqartuuisa ilaani, Afghanistanimut qanittumi ataatsimiittussat USA-mi oqartussanit ilisimaneqarsimasoq. Ataatsimiinnermi ilaatigut Osama Bin laden-ip tullersortaa – al-Qaedamilu sumi peqqarniisaarniartarnissanut aalajangiisartoq - peqataasimaneragaavoq.
Tusarfiit oqaatigaat, sakkutuut immikkut kigaallassaaserlutik sorsukkiartussat timmisartorsuarmut assartuummut ikereersimagaluartut, USA-mi taamani Illersornissamut ministeriusoq Donald Rumsfeldt saassussinissamik piffissaq kingulleq unitsitsisimasoq.
Rumsfeldtip sakkutuut immikkut ilinniarsimasut hundedelikkaat aallarnissaat unitsippaa, Pakistanip iligiinnik illersuisuuneranik ulorianartorsiortitsiumanani, tusarfiit oqarput.
Paasissutissalli ilumoornersut CIA-imit præsidentillu illorsuanit oqaatigerusunneqanngilaq.
