Al Qaeda qaartitsinermut akisussaanerarpoq
Qaartitsineq akiniaanertut oqaatigineqarpoq, Muuamaallu ilaarutigalugu titartakkat danskinit utoqqatsissutigineqanngippata aamma saassusseqqikkumaarnissartik Al Qaedakkunnit siorasaarutigineqarsimavoq.
- Saassussineq naalagaaffimmut upperisaqanngitsumut Danmarkeertugaannut akiniaaneruvoq. Naalagaaffiup taassuma titartakkat Allah-p oqariartortuanik akeqqersimaaqisut avammut saqqummiuppai, taama Al Qaedakkut siuttuat Mustafa Abu al-Yazid nalunaarumminni oqaasertaliisimavoq.
Taakku aamma neriorsuisimapput, ilartik imminut toquutigaluni qaartitsisortartik qaartitsinissaq sioqqullugu video-mut immiussimagitsik, taannalu immiussaq ungasinngitsukkut aamma avammut saqqummiukkumaaritsik.
Nutaarsiassaqartitsiviup Reutersip allaaseraa Al Qaedakkut nassuernerat qularnaatsumik uppernarsaatissaqanngitsoq. Amerikamiulli pinerliiniat pillugit immikkut ilisimasaqartup Evan F. Kohlmannip Ritzauimut oqaatigaa, taakku taama nassuerutaat ilumut nassuernerusoq.
