al-Qaeda-kkut siorasaaripput
- Nunat muslimeqarfiusut ilaasa al-Qaeda-mit aqunneqalissanngippata, 2001-imi septembarip aqqarnanni New Yorkimik Washingtonimillu saassussinernit sakkortunerusumik saassunneqarnissarsi ilimagisariaqassavarsi, amerikamiu musliminngornikoq Adam Gahahn, peqqarniisaarnianullu al-Qaeda-kkunnut maanna ilaasortanngorsimaneragaasoq, videoliami taama oqarpoq.
Adam Gahahn Pakistanimiissangatinneqarpoq, nunagisamilu killuussisutut amerikamiut akornanni sorsunnersuup kingulliup kingorna unnerluunneqartuulluni.
- Piumasaqaativut eqquutsinneqassanngippata, 2001-imi septembarip aqqarnanni pisunit, Afghanistanimilu Irakimilu pisunit, kiisalu Virginia Tech-ip universitetiani pisunit ajornerungaartunik misigisaqarumaarpusi, Adam Gahahn, videoliami oqarpoq.
USA-p nunani muslimeqarfiusuni sakkutuujutini angerlartinngippagit, USA-llu Israelimik tapersersuinini unitsinngippagu al-Qaeda saassussiniarluni siorasaarivoq.