Al Gore USA-mi paasisitsiniaassaaq
USA-mi paasisitsiniaanissaminut koruunit 1,4 milliardit atussamaarpai.
Nobelip nersornaasiuttagaasa aningaasartai, svenskit koruuniinik 10 millioni koruuninik nalillit, atuakkiamilu tunininerini isertitani paasisitsiniaanissaminut atornialersaarpai.
C02-mik aniatitsinerujussuup nunarsuatta silaannaanik innarliisinnaanerata nunat naalakkersuisuinut erseqqissaatigiuarpaa; oqariartuullu tamanna TV-kkut, radiokkut, naqitatigut internet-ikkullu siammarneqassaaq; TV-kkut paasisitsiniutit siulliit pingasunngorpat aallakaatinneqassapput.
Aallakaatitami ilaatinneqarput angutit nuimasut marluk, aappaa qernertumik amilik, oqallinnernut akuujuartoq, Al Sharpton, qaqortumillu amilik, qanganisarsiortoq, oqaluussisartoq Pat Robertson; angutit taakku marluk isumaqatigiissutigaat isumaqatigiinnginnamik. Isumaqatigiissutituaraallu pisariaqalivissoq silaannaap kissakkiartornerata iliuuseqarfiginissaa.
