Al Gore præsident Bushimut uparuartuivoq
Amerikami præsidentimut siornatigut tullersortaasi-masoq, Al Gore, Oscar-imik akissarsisinneqareerpoq, maannakkullu aamma Nobel-illu nersornaasiuttagaanik piukkunneqartunut maanna aamma ilaalluni. Præsident-ip illorsuanut kissalaartumut Det Hvide Hus-imut aammagooq iseraluttualerunarpoq.
Al Gore atuakkioqqammerpoq, ”Angrebet på fornuften” - ”Silaqassutsimik paarlagiaaneq”.
Qaqutigoorpoq Al Gore-p præsidentimut isornartor-siuisarnera, Irak-imut sorsunneq USA-p oqaluttuarisaanerani kukkussutit annersaraat,
atuakkiamini nutaami præsident Bush tullersortaalu Dick Cheaney taassumalu suleqatai Dick Al Gore-p sakkortuumik uparuartorpai. Silaqassutsip kiisalu imminut naapertuuttunik tunngavilersuilluni eqqarsartaaseqarnerup Al Gore taamatut qisuariaateqartippaat. Pisut aallavigalugit oqallinneq, kikkut tamarmik oqartusaaqataannerannik aallaviusoq, qimanneqarluni inuup ataasiinnaap oqariartuutaanik kisermaasserpalaartumik TV-kkut aallakaatitsisarneq ingerlanneqarpoq, allat mattullugit, qaffasissumik atorfilik polikerinik anngiortumik akilersorneqarlutik inuusut, kiisalu nammineq ilaquttatik kammalaatitillu iluarisatillu kisiisa atorfinnut pitsaasunut sulilersittarlugit aammalu naalakkersuisuunissaminnut naleqqutinngitsuunerarlugit Al Gore-p Bush suleqataalu isernartorsiorpai. Bush-illu præsidentiunerani amerikamiut qanoq atugassarititaasutigut annaasaqarsimatiginerat eqqartorlugu. Al Gore præsidentimut qinigassanngortimmat pissuserissaarniartutut qinersisartunit isigineqarpoq taamaattuuninilu pillugu præsidentinngorniunnermi ajorsaqqalaarluni, maannakkulli qinersisartorpassuit peqqissimissutigisar-paat Al Gore taamani qinersimannginnamikku. Præsident Bush USA-mi qinersisartut 66 procentiisa, tassa pingajoraarterutit marluk, præsidentiusimaneranit iluatsitisimanngitsutut ullumikkut isigaat.
2001-imilu septembarip ulluisa aqqarnani pisimasup iluamik oqallissutaasimannginnera pillugu oqarpoq:
- Fjersyni qamillugu eqeerlusi iluamik sulinialeritsi internet atorluguluunniit. Kiammi ilisimavaa, imaassinnaavoq USA-p ajornartorsiutai Al Gore-p 2008-mi iluarsigai.
