Akuutissiat stoffit suulluunniit meerartaarsinnaanermut aseruisinnaasut maannakkut annertuumik ajoqutaaler-simasut ilisimatuut tamakkuninnga misissuisut tamaviaarlutik nilliaatigilerpaat.
Akuutissat stoffit nioqqutissani suugaluaniluunniit naliginnaaleraluttuinnarput – nerisassani nerisartakkatsinni, kukinnut qaalipaatini kiisalu seqinermut illersorniarluni amernut tarnutini – suulluunniit tigusinnaasagut tamangajammik, inunnut ulorianartorsiortitsisunngorsimasut ilisimatuussutikkut misissuinerit kingulliit takutippaat:
-Ullutsinni ilisimalersimasarput tassaavoq anguterpassuit anisuuisa pitsaassusaat ajortorujussuanngorsimammat. Tassalu isumaqarpunga anisuussamik timerput sanagaagat pitsaassusissaa navianartorsiulersimasoq, Niels Skakebæk, Rigshospitalimi, kinguaassiorsinnaa-nermik anisuut pillugit ilisimatuujusoq oqarpoq.
Nunanit allaneersunik qulequtaq taanna pillugu ataatsimeersuaqataasimasoq, avatangiisini toqunartunik kiisalu kinguaassiorsinnaanermik naggorissusermik eqqartueqataasimasoq. Imalu nangippoq:
- Paasisatta nutaarsiassartaa tassaavoq, ullormiit ullormut qaammammiillu qaammammut nukittua-llatsinneqartaratta, stoffet taakkua sunniutaat ajoqutaanngimmat. Aammalu paasivarput stoffit taakkua annikitsuinnarmik takussutissartaqartut. Kiisalu taakkua imminnut ataqatigiinnerat, tassalu stoffit ilaasa sunniuttaat imminnut eqqaanarput, stoffilli ilai assigiinngitsunik sunniuteqarlutik taakkuali ataatsimut akulerukkunik ulorianaateqalissapput, minnerunngitsumut naalungiarsunnut suli inunngunngitsunut aamma meeqqanut inuusuttuaqqanullu.
Taamaattumik Niels Skakebæk, inuiaqatigiit ataatsimoorullugu oqallittarfissaannik pilersitsisoqarnissaanik kaammattuuteqarpoq.
Politikerinut Folketingimullu oqariartuuteqartartussamik, maannakkullu suliffeqarfissuit suulluunniit mingutitsiinnaratik mingutitsinnginnissamik oqariartuutinik tusaaniartalersimasut eqqaavai.
Naggataatigut oqaatigaa, ajornartorsiut tamanna iluarsiniarlugu aaqqiissutissanik suliniuteqarnissaq imaannaanngitsuusussaasoq.
