Nuummi inissiat ilaata, blok Q-p, betonitaanit silataatalu qalipaataanit misissugassanik PCB-nik akoqarnersunik misissorneqartussanik siunnersuisarfik tigusereersorlu tamanna paasineqarpoq.
Taamaattumik isaterinermut atatillugu ajornartorsiutip annertussusaata, aamma taakku qanoq iliorluni avatangiisinut peqqissutsimullu ajoqutaanngitsumik passunneqarnissaasa paasineqarnissaata tungaanut illup silataata qalliutai immikkut inissikkallarneqarnissaannik Avatangiisinut Pinngortitamullu Aqutsisoqarfik piumasaqarpoq.
Piffissaq ungasinnerusoq eqqarsaatigalugu paasiniaanernik, atortunik PCB-nik akulinnk atusimanerup annertussusaanik, aamma Kalaallit Nunaanni sanaartukkani sumi atuisoqarsimaneranik paasisaqarfiusussanik aallartitsisoqassaaq.
Kalaallit Nunaanni sanaartukkani atortunik PCB-nik akulinnik atuisimanerup avatangiisinut peqqissutsimullu sunniutigisinnaasaasa paasineqarnissaat aamma pisariaqartinneqarpoq.
Siusinnerusukkut misissuinerit takutittareerpaat inuit peqqissusaannut PCB navianartorsiortitsisinnaasartoq, tassa timip akiuussinnaaneranik sakkukillisitsisarluni, aamma kræfteqalersitsisinnaasutut Suliffinnik Nakkutilliisut allattuiffianni ilaatinneqarpoq.