Akuersissummik peqqaarani immiussivoq

Sisimiut TV-at aallakaatitassamik Sisimiut nakorsiartarfianni immiussivoq, napparsimaveqarfimmit akuersissummik peqqaarani.

Sisimiut TV-at nakorsiartarfimmi akuersissummik peqqaarani immiussisimanera pillugu Sisimiuni peqqissaaviup politiinut nalunaarutigaa, taamatullu Kalaallit Nunaanni Tusagasiissarnermik aalajangiisartunut suliassangortillugu.

Suliassanngortitsineq politiinullu nalunaarutigininneq Sisimiuni aviisip Sivdlip aallaaserivaa, tamannalu pillugu Sisimiut TV-ata politiinut nalunaarutigaa, taamatullu tusagassiisarnermik aalajangiisartunut suliassanngortillugu.

Suliassanngortitsilluni nalunaarutigininnerit Sisimiuni politiit suliassanngortinniarsimanngilaat.

Taamaakkaluartoq Tusagassiisarnermik aalajangiisartut aalajangerput, aviisip allaaserininnera unioqqutitsinerunngitsoq, taamatullu Sisimiuni peqqissaaviup naammagittaalliutaa pissusissamisoortuusoq aalajangerlutik.

Sisimiut Peqqissaavianni uninngasut peqqissaavimmilu sulisut inuttut illersorneqarsinnaanerat Sisimiut TV-ata immiussinermini eqqarsaatigimanngikkaa, Tusagassiisarnermi aalajangiisartut aalajangiinerminni allapput.