Akitsuutit atorunnaarsinneqarnissaat kissaatigaa

Akitsuutit ukiarmi qaffanneqarput, nioqqutissat assigiinngitsut akiisa qaffannerinik kinguneqartumik. Akitsuutit tamakku atorunnaarsinneqarnissaat Demokraatit sinnerlugit Inatsisartuni ilaasortap Marie Fleischerip siunnersuutigilersaarpaa.

Allattoq Louise M. Kleemann

februaarip 26-at 2008 07:55

Aningaasat 100 millioni koruunit akitsuutit qaffanneqarnerisigut akileraarusiinikkullu aaniarneqarput, tassungalu atatillugu Nukissiorfiit piginneqatigiiffinngortinneqanngippata, atuisartut akiliinerusalissapput, Marie Fleischer allappoq.

Akitsuutilli atorunnaarsinneqarnisaannik siunnersuut Aningaasaqarnermut Naalakkersuisumit Aleqa Hammondimit taperserneqarnissaa ilimagineqarsinnaanngitsoq aamma oqaatigineqarpoq. Taamaammat akitsuutinik akileraarutinillu nutaanik eqqarsarnerup saniatigut aningaasanik isaatitsiffiusinnaasunik allanik isumassarsiortoqarsinnaanissaa Demokraatinit ujartorneqarpoq.

- Nunatta aningaasatigut pilersaarusiornerani inuiaqatigiit kalaallit tamarmiusut piitsuunerulernerannik kinguneqanngitsumik suliaqarnissamut piumassuseqartumik Aningaasaqarnermut Naalakkersuisoqaraluarutta qanormita iluaallatsigissagaluarpa, Marie Fleischer ilaatigut allappoq.

Akitsuutit atorunnaarsinneqarnissaat kissaatigaa

Aamma atuaruk