Akitsuusiisalernissamik ujartuipput

Takornarniat avatangiisinik mingutsitsinermut pissutaaqataalluinnarput. Timmissanillu takornarniarnermut atatillugu mingutsaalisitsinissamut atugassanik takornarniat akiliisalernissaat timmiarsiuut piumasarilerpaat. Silaannaakkut, immakkut, nunakkullu angallannermi akitsuusiisoqartalernissaa piumasarineqarpoq.
Allattoq Mads Lynge
februaarip 16-at 2008 16:46

Timmissanik takornarniarnermik nunani avannarlerni aaqqissuisartut annersaat, Dansk Ornitologisk Forening, akitsuusiisalernissamik siunnersuuteqartuupput, tamannalu pinngitsuugassaanngitsutut eqqunniarneqarluni.

Aappaagumiit januaarip aallaqqaataaniit atuutilersussamik akitsuusiisoqartalissaaq, Dansk Ornitologisk Foreningip aaqqissugaannik takornarniartitsinerit akitsuuserneqartalissammata.

Kalaallit Nunaannut angalasarnerit koruuninik 200-nik akitsuuserneqartalissapput.

Silap pissusaata allanngoriartornera pissutaalluni naasut uumasullu 10 procentiisa missaat ukiut tulliuttut 100-t ingerlanerini toqorarlutik nungussasut ilimagineqarpoq.

Akitsuutitigut isertitat aningaasaateqarfimmut ikineqartalissapput, aningaasallu orpinnik naatitsinissamut atorneqartassallutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq