Politiit ullormut nalunaarutaat: Akitsuuserisut hashi 3 kg.-ngajammik oqimaassuseqartoq nassaarigaat
Poortugaq hashimik 3 kg.-ngajammik oqimaassusilimmik imalik Nuup allakkerisarfiani nassaarineqarpoq. Suliamut atatillugu paasiniaanermi angut arnarlu tigusarineqarput, angulli maanna iperagaareerpoq.
Ullumi tallimanngornermi politiit pigaartuata hashi 3 kg.-ngajak nanineqartoq oqaluttuaraa.
Allattoq Nicole Sander Bertelsen
januaarip 03-at 2025 09:35
Nutserisoq Brian Jensen
Nuup allakkerisarfiani akitsuuserisut ikiaroornartoq hashi poortorneqarluni Nuummut nassiunneqaraluartoq kg.-nik pingasunik oqimaassuseqangajattoq nassaarigaat, Kalaallit Nunaanni Politiit pigaartut pisortaat Jørgen Madsen oqaluttuarpoq.
- akitsuuserisut ippassaq nalunaaqutaq ullaap tungaani aqqaninngulersoq hashimik nassaarput, malitsigisaanik politiit arnaq 30-t akornanni ukiulik tigusaraat, taannalu ullumikkut tallimanngornermi eqqartuussivimmi sassartinneqassaaq, ilaatigut tigummigallarneqarnissaa piumasarineqartoq Jørgen Madsen oqaluttuarpoq.
Aamma angut suliamut tunngatillugu tigusarineqaraluarpoq, taannali pinerluttoqarsimaneranik paasiniaanerup ilaaniimmat iperagaagasuartoq, Kalaallit Nunaanni pigaartut pisortaat oqaluttuarpoq.
