Akitsinnguaq Olsen IA-mi naqisimaneqarluni misigisimasimavoq
Inatsisartuni ataatsimiinnermi malittarisassat allanngortinneqarneranni, Inuit Ataqatigiit gruppiminni naleqqussarput, tamatumanilu Inuit Ataqatigiit sinnerlugit Inatsisartunut ilaasortat nutaat Ataatsimiittarfimmi oqaaseqarsinnaanerat killeqarpallaartoq, Akitsinnguaq Olsen isumaqarpoq.
Akitsinnguaq Olsenip Inuit Ataqatigiinniit tunuarnermini pissutsit marluk isornartoqartippai:
- Inersuarmi oqallinnermi Inuit ataqatigiineersut oqaaseqarpiarneq ajorput. Apeqquteqarnissamut periarfissineqarnermi, inuit ataasiakkaat kisimik oqaseqarsinnaasarput.
Akitsinnguaq Olsen Inatsisartut aningaasaqarnermut Ataatsimiittitaliaanni pissaaneqarluartumi siulittasuugaluarpoq, Siumumulli ilasortanngornermigut taanna annaavaa.
Inuit Ataqatigiit gruppemi siulittaasuata, Olga P. Berthelsenip Akitsinnguaq Olsenip ilaasortaajunnaanera uggoraa, isornartorsiutaali paasisinnaannginnerarlugit.
Olga p. Berthelsen isumaqarpoq gruppimi ilaasortat ullaakkut ataatsimiinnermi tusarneqarnissamut periarfissaqarluartartut. Aamma Inatsisartut ataatsimeeriaasiat nutaaq ilaasortanut ataasiakkaanut piumaffiginnittuusoq oqaatigaa.
Aningaasaqarnermut Ataatsimiititaliami kina siulittaasunngussanersoq Inuit Ataqatigiit gruppiminni ataasinngormat isummerfigisavaat.
