Akitsinnguaq assigiinngisitsivoq
Isak Hammond IA'p inatsisit atortinneqartarnerannut ataatsimiisitaliap oqaaseqartartua isumaqarpoq Tamanna assigiinngisittinerusoq.
- Suna pillungu nuna avannarliit immikkut isigissagatsigit, nunarsuup sinneraniittut allaanerusutut isigalugit. Sooq ataatsimut isigissanngilagut oqallissaarutaa apeqquserpara nunarsuarmioqatigiit allat immikkoortimmagit, Isak Hammond oqarpoq.
Nuna avannarlerni innuttaasut oqaatsinik isumaqatigiissutip iluaniipput, taassuma pisinnaatippai nammineq oqaatsitik sumiluunniit nuna avannarlermiikkaluarunik atorsinnaagaat. Taamaammat oqaatsinik ilinniartitsisarnissaq nuna avannarliup avataaneersunut kisimi atuutissaaq.
- Namminersornerullutik Oqartussaniikkunnaarnikuugatta namminersulernikuugatta eqqarsartaaserput
ingerlariaqqinnissaanut eqqarsartaasittalu takussutissaanik suliat ingerlaqqinnissaanut oqallinnissarput kissaatigigakku, Akitsinnguaq Olsen oqarpoq.
Nammineq isumaqarpoq nunatsinni nammineq sinaakkusiinissatsinnut piffissanngortoq. Malitsiusariaqartorlu nunatsinni najugaqarusuttunut oqaatsinik ilinniartarnissaannik piumasaqaat.
- Isumaqarama nunatsinni nammineerluta sinaakkusiinissatsinnut piffissanngortoq. Aqutsinitsinni nammineerluta eqqarsartaaserput tunngavigisarpullu, nunatsinnilu tummaatatsinni aallavigalugit pissutsinik iliuuseqarnissarput piffissangorsorigakku oqallisigineqarnissaa, Akitsinnguaq Olsen oqarpoq.
Qanoq assigiinngisittisoqarnersoq aperineqarami, Akitsinnguaq Olsen ima Akivoq:
- Soorunami uagut nammineq oqaatsivut, uagut nammineerluta kinaassuserput katersuuffiussaaq avissaartuuffiunani, Akitsinnguaq Olsen oqarpoq.
oqallissaarutaa nuna allamiut nuna avannarlerminngaanniinngitsut nunaqavissunngunnginnerminni kalaallit oqaasiinnik misilitseqqaartarnissaat IA-miit isumaqatigineqanngilaq.
Akitsinnguaq Olsenip oqallissaarutini nunatsinni pikisitsinertut taavaa.