Demokraatit: Akit neqeroorutigineqartut pingaarnerutinneqarlik

Naalakkersuisut akinut neqoorutigineqartut pingaarnerutittariaqarpaat, kiffartuussinneq ilorrisimanerunissarlu pingaarnerutinnagit. Angallasinermut kiffartuussinissamut isumatigiissut ippassaq naammassineqartoq pilllugu Demokraatit taama isumaqarput.

Allattoq Sara K. Jakobsen

septembarip 15-at 2016 05:23

Nutserisoq Jaaku Lyberth

Kiffartuussinissamut isumaqatigiissutit pillugit nutaamik eqqarsartoqassappat, unammillertoqarnissaa eqqarsaatigalugu amerlanerusullu unammilleqataanissaat pillugu ukiormannamit siornaamiillu siusinnersukkut isumaqatigiissusiortoqartariaqarpoq, isumaqatigiissutigineqarsinnaasut allat ilannguneqarnissaat eqqarsaatigalugit, Tillie Martinussen Demokraatit sinnerlugit inatsisartuni ilaasortaq taama oqarpoq.

Aamma atuaruk Partiit naalakkersuisuutitaqartut:Siusinnerusukkut isumaqatiginninniartoqartarli

- Uagut siunnersuutigaarput isumaqatiginninniarluni piareersarnerit ukiut marluk sioqqullugit aallartinneqartariaqartut, Tillie Martinussen oqarpoq.

Demokraatit partiit naalakkersuisuuteqartut peqatigalugit ilaasunik angallassinermi kiffartuussinissamik isumaqatigiisuteqarneq nuannaarutaat.

Aamma atuaruk Air Greenlandimi sulisut 45-t soraarsinneqassasut

Aamma atuaruk VIDEO Tunumi innuttaasut angalanissamut periarfissaqarnerulissasut

Aamma ilaasut qanoq sullinneqartigisanersut qanorlu ilorrisimaartigisassanersut imaluunniit billetsit akii appasissuussanersut siunissami oqimaalutartariaqartut, Demokraatineersoq isumaqarpoq.

- Nutaamik eqqarsartoqassappat isumaqarpunga inuttaasut angalanerminni akikinnerusumik angalasarniarunik annikinnerusumik kiffartuunneqarnissartik piumaneruneraat eqqarsaatigineqartariaqartoq, Inatsisartunut ilaasortaq Tillie Martinussen oqarpoq.