Akissarsiat aningaasaateqarfittaarlu pillugit isumaqatigiittoqarpoq
- Akissarsiat qaffanneqarneranut atatillugu 10,2 procentimik ukiunut pingasunut atuuttussamik isumaqatigiittoqarpoq, isumaginninnermullu aningaasaateqarfimmut qinnuteqarsinnaaneq ammaaffigineqarluni, tamannalu illuatungeriinnit iluarisimaaneqarpoq, SIK-mi siulittaasup tullia, Josef Therkildsen, Ujoorsi, tusagassiuutinut oqarpoq.
Aningaasaateqarfimmut ikiorarneqartut sulisuniit siunissami atorluarneqalernissaat illuatungeriinnit naatsorsuutigineqarpoq, sulisup qinnuteqarnikkut illoqarfimmut allamut imaluunniit Nunarput qimallugu suliaritittussanngornerani qanigisat ilaginissaannut akiliunneqarsinnaaneq periarfissanngussammat.
Ilanngullugu siunniunneqarpoq sulisut sinniisaannik tunisassiorfinni tamani isumaqatigiissuteqarfiusup iluani iluatsittumik pikkorissaanissaq anguneqassasoq.
