Akilinermiut Afrikami isiginnaartitsisut

Afrikami Timbuktup eqqaani naapeqatigiinnermi isiginnaartitsisartut akilinermi Igloolimmeersut Inuit naggueqatigiit inoqajuitsumi angalaannartutut najugallit 100-likkaanik amerlassusillit takutitsiffigaat. Naggueqatigiit inoqajuitsumeersut ukiumoortumik kulturisiorlutik naapisimaarput. Taakku

naggueqatigiit Inuit assigalugit nunarsuup kiatsikkiartornera aamma sunnertisimaffigaat.

Tamannalu pissutigalugu aaqqissuisut isiginnaartitsisartunik naggueqatigiinnit Inunneersunit qaaqqusisimapput, tassa taakku isiginnaartitsinerat siorna Mexicomi takoreersimagamikkugooq.

Terence Leonard Uyarak Timbuktumiinnermini nutaarsiassaqartitsivimmut Globe and Mail-imut oqaluttuarpoq, isiginnaartitsisartoqatigiit Nunavummeersut arfineq-pingasuusut Malimi inoqajuitsumi inuunerup Igloolimmi inuunerminnut qanoq assingutiginera tupaallaatigigitsik.

- Inoqajuitsormiut uagut illoqarfitsinni najugaqartutulli eqqissisimatigipput. Inoqajuitsullu siorai aputip perseralaneratulli teqqalasarput, Terence Uyarak oqaluttuarpoq. Taanna aamma isumaqarpoq qatigattuumik aqutsineq qajartornermut qimussernermullu eqqaanarsinnaasoq.

- Uumasup aalaneri allaanngillat qajartortilluni mallit aalaneri, Uyarak oqaluttuarpoq.

Isiginnaartitsisartut isiginnaartitsinermik qanoq sivisutiginissaannut immikkut ittumik najoqqutassaqalersimapput:

- 50 gradinik kiatsigisumi isiginnaartitsisaqattaarpugut, taamaakkaluartorli sikuminersuaq isiginnaartitsisarfimmut inissittarparput. Sikuminersuarlu aakkaangat isiginnaartitsinerput naammassisarparput, Uyarak aviisimut Globe and