Akilinermi nunap assinga allanngortittariaqalerpoq
Siku 500 kvadratkilimeterisut angitigisoq ilisimatuut alaatsinaassimavaat, siku ukiuni 3000-ini aassimanngitsoq meterinillu 40-nik issussusilik 2002-mi aakkarsimasoq takusimavaat ukiorlu manna arlalinnik aakkartulersimalluni.
Akilinermi pisortaneersut ilisimatuullu sapaatip akunnera kingulleq qamuteralannik misissuiartortut paasivaat siku aakkarnerpassualik, aakkarnerit ilaat kilometerinik qulinik isorartutigipput meterinillu 40-nik atitussuseqarlutik, qamuteralannik misissuiartortut ittuat, Doug Stern oqarpoq.
Missuiartortunut peqataasoq, Derek Mueller, Trent University-meersoq aviisimut Canadian Pressimut oqarpoq, Akilinermi nunap assinga kisiat allanngortittariaqassanngitsoq aammali sikup aakkiartupiloornera pissutigalugu issittumi silaannaap naasullu imminnut sunniuteqartarnerat allanngoriartulissasoq.
