Canadap avannarpasinnerusortaani, Yukon-imi, Inuivialuit, Nunavumilu Inuit angerlarsimaffeqanngitsut amerlasoorujussuusut, qassioqqissarnerallu ilimaneqanngitsoq, Canadami inatsisartut nalunaarusiarititaanni atuarneqarsinnaavoq.
Qassiunerat ilisimaneqanngimmat ikiuiniarneq ajornakusoorpoq. Taamaattumik Nunavumi angerlarsimaffeqanngitsut kisinneqarnissaannik Canadami naalakkersuisut peqqusipput.
Ukiukkut 40-inik issittoq tupermi sinittariaqartarput, taamatsillugulu ilaquttaminni ikinngutiminnilu unnuiffissarsiortariaqartarput.
Angerlarsimaffeqanngitsut ikiorniarlugit 300 millioni dollarit immikkoortinneqarput.
Ikiorneqarnissamulli piumasaqaatit naammassineqaqqaartariaqarput. Angerlarsimaffeqanngitsut kisinneqarnissaat, aappaattullu suleqatigiisitat ikiuuttussat pilersinneqarsimanissaat, piumasaqaataapput.