Akiliisinnaajunnaarnermi kalaaleq eqqugaaqataasoq
![](/sites/default/files/styles/image_934x467/public/pitsaasut.png?itok=_fEDqNGK)
Arnaraq Millek suliffimminik annaasaqartut ilagaat. Taanna Danmarkimi ingerlatseqatigiiffiup quersuani ikiortitut naatsorsuuserivianilu oqalutsitut, ingerlatseqatigiiffiup nittartagaanut, nutaarsiassaqartitsivianut Pilersuisullu siulersuisuinut attaveqarnermi nutserisartutut, 2015-imiilli sulivoq.
Arnaraq Millekillu suliffimmi akiliisinnaajunnaarnissaa ilimagisimanngilaa.
- Sulisup allap ippassaq sianerfigimmanga oqaluttuullungalu annilaarnartupilussuuvoq. Qamuuna attortittupilussuuvunga soorunamilu qullilivunga, Millek KNR-imut oqarpoq.
Taassuma suliffini nuannarigaluarpaa, sulisullu paarineqarluartartut oqaatigalugu.
- Tassani sulilluni pitsaavoq. Isumaginnilluartoqartoq misigaara. Ingammik Thomasimit, Arnaaraq Millek ingerlatseqatigiiffimmik piginnittoq, Thomas Skov pillugu taama oqarpoq.
AAMMA ATUARUK Pilersuisup pisiniarfiinut nioqqutissanik pilersuisoq akiliisinnaajunnaartoq