Akileraarutit oqaluuserissavaat
Akileraarutit taakkua ullumi siullermeerlugit oqaluuserineqassapput, pingajussaanneernerannilu akuersissutigineqarpata, Nunatta Karsiani iluaqutaasussanut ilaassapput.
Taakkua saniatigut ineqarnermut attaveqarnermut angallannermullu naalakkersuisoq, Jens B. Frederiksen pilersaarusiorneq aamma nunaminertat atorneqartarnerat pillugit inatsisissatut siunnersuummik saqqummiussissaaq. Siunnersuut taanna akuerineqassappat, ilaatigut nunaminertamik atugassinneqarnissamik qinnuteqartut suliassanik suliaqarnissamut akitsuummik akiliisalernissaat kingunerissavaa.
Kiisalu Inatsisartuni ilaasortaq, IA-meersoq Jane Petersen, meeqqat atuarfiini atuartunut angerlarsimaffiit atuartunullu inissiat pitsaassusissaasa
minnerpaaffilerneqarnissaannik siunnersuuteqarpoq.
