Akileraarut Nanortalimmiut kisimik malugissavaat
Ikaarsaariarnermi ataatsimiititaliami siulittaasoq Simon Simonsen oqarpoq, Kujataani sanaartornerup ingerlaannarnissaa Ikaarsaariarnermi ataatsimiititaliap kissaatigigaa. Simon Simonsen ima oqarpoq:
-Saneqqunneqarsinnaanngitsutu isigigatsigu taamatut qaffaanissaq, taamaalilluta aalajangertariaqasrimavugut, Simon Simonsen oqarpoq.
Aningaasaqarnermut ataatsimiititaliarmi arfineq marlunnik ilaasoartaqartumi massakkut Nanortallip borgmesteria Kristian Raahauge kisiartaalluni akileraarutip 45 procentiunissaanut akerliuvoq.
-45-mik uagut akileraartarlernissarput akerlerivara, tassami nanortalimmiut pisissutigisinnaasaat ikilerujussuassapput akileraarnerusalerunik. Aningaasat ulluinnarni atortakkavut, allanut atorsinnaasavut nalikilliartorlutik. Aamma suli 2 procentimik akileraartalerutta ingallutik pisissutaasinnaasut ikilissapput.
Kommune Kujallermut ikaarsaariarnermi Ataatsimiisitaliami ilaasortaq Kristine Raahauge taama oqarpoq.
Akileraarut 45 procentiussanersoq Kujataani Ikaarsaariarnermi Ataatsimiititaliap novembari 25-ani isummerfigissavaa. Jørgen Semionsen Ilanngutassiamik suliarinnippoq.
