Akileraartarneq timmissallu oqaluuserissavaat

Inatsisartut ukiakkut ataatsimiinneranni ullut ataatsimiiffissat arfineq pingajussaanni oqaluuserisassat pilersaarutit naapertorlugit arfineq-pingasuupput.

Timmissat pillugit nalunaarummut tunngasut oqaluuserisassat marlussuit ilaapput.

Timmissat illersorneqarnissaat pillugu Namminersornerullutik Oqartussat nalunaarutaat nalilersorneqassaaq, ullutsinnilu piviusunut naleqqunnersoq nalilersorneqartussat ilagaat.

Oqaluuserisassat marluk akileraartarnermut inatsimmut tunngasuupput.

Aningaasarsianit akileraarutinut tunngatillugu nammineerluni nalunaarsuinermi aappariit ataatsimut akileraartinneqartarnerat atorunnaarlugu aappariit tamarmik immikkut isertitaminnik immersuisalernissaat Aningaasaqarnermut Naalakkersuisumit Aleqa Hammondimit siunnersuutitut saqqummiunneqassaaq.

Aappariit ataatsimut akileraartussaatitaanerannik atorunnaarsitsinissaq Aningaasasqarnermut Naalakkersuisumit aamma siunnersuutiginiarneqarpoq. Aappariit akileraartarnikkut naligiissinneqarnissaat inatsisip atuuttup allanngortinneqarneratigut anguniarneqarpoq.